【兒童傳染病】手足口病點預防？

手足口病（英: Hand, Foot, and Mouth Disease，簡稱HFMD），又稱發疹性水皰性口腔炎，係一種兒童常見既疾病，特別係5歲以下既幼兒或學齡前兒童群體中最常出現，因為小朋友既免疫力比較弱，十分容易感染手足口病。所以家長們一定要學識如何預防手足口病，為孩童在校時期做好準備！

手足口病通常由腸病毒，例如克沙奇病毒A6、A10、A16型（英: Coxsackie Virus，另稱柯薩奇病毒），或者腸病毒71型（英: Entero Virus 71，EV71）而引起既傳染病。手足口病高峰期一般會係五月至七月，亦有機會係十月至十二月出現較小型既高峰期。

除左下面既症狀之外，有D手足口病既人可能都會出現頭痛、肌肉疼痛、疲倦、喉嚨痛、食慾不振等症狀。再嚴重既話，仲可能出現病毒性腦膜炎、心肌炎、急性肢體麻痺症、腦炎等既神經系統併發症嫁。

手足口病既潛伏期一般係3至7天，有D甚至10天。而傳染期方面，通常出現症狀後既7至14天內傳染性比較強，就算無咩手足口病症狀既情況之下，患者既唾液、嘔吐物、鼻涕、呼吸道分泌物中都可能會存在病毒，從而傳播俾其他人，而且病毒亦有機會存在係患者既糞便中嫁。

其實而家仲未有疫苗有效預防手足口病，所以要有效預防感染，記得保持良好個人及環境衞生最為重要。如果感染左，都可以用藥去紓緩不適，例如發燒同口腔潰瘍而引起既痛楚等。

手足口病雖然常見，但如果小朋友感染左手足口病，父母記得要細心觀察小朋友既情況，當出現持續高燒、神情呆滯、反覆嘔吐、昏睡、肌肉抽搐，或者病情惡化等情況，例如出現神經系統症狀等，父母要即刻帶小朋友去睇醫生。另外，大人唔好以為手足口病得小朋友先會感染，大人都會嫁，而且感染之後，症狀會比小朋友更加嚴重，有D成年患者可能需要服用抗病毒藥。