台灣宜蘭景點6大推薦【親子快閃旅行必讀】

相信大家去台灣都比較多選擇台北，唔知大家對於宜蘭，又有咩印象或者有咩地方好去呢？小編作為一個台灣達人，今次就介紹6個景點，可以輕鬆快閃既行程俾各位爸爸媽媽參考下，趁節日假期出走幾日，家長帶小朋友去玩，都可以考慮一下宜蘭嫁。

宜蘭住宿區分4個區域，分別有【宜蘭壯圍、五結】、【宜蘭羅東、冬山】、【宜蘭蘇澳】、【宜蘭頭城】，大家可以安排係一年四季入面唔同既活動，仲可以安排唔同地方去住宿過夜。

宜蘭景點推薦 1. 虎牌米粉觀光工廠

虎牌米粉係台灣人食到大既米粉，觀光工廠可以俾小朋友體驗炒米粉DIY，仲有以1970年年代既懷舊場景佈置俾大家影相打卡，更加增加左大型虎巴士進駐，小朋友應該會好鍾意同虎巴士影相。

宜蘭景點推薦 2. 溪和水產觀光工廠

去完虎牌米粉觀光工廠，可以到附近既溪和水產觀光工廠，係由一間傳統水產加工廠轉型而成既觀光工廠，呢個地方非常適合親子活動，可以親子DIY燙海鮮、三角飯糰DIY、彩繪貝殼等，而且佢地仲用左主題漫畫去解說水產工廠係如何運作，令到參觀者更容易了解同明白漁業近況同埋水產加工既科技。

宜蘭景點推薦 3. 國立傳統藝術中心（宜蘭傳藝園區／宜蘭傳藝中心）

宜蘭傳藝中心以台灣傳統閔南建築風格為主，充滿左懷舊既台灣古早味，園區內主要分為三條老街，「魯班街」、「文昌街」、「臨水街」，都各有特色，非常適合小朋友去玩。而且記得唔好錯過每日11:00同14:00，傳藝大街上還有像主題樂園既花街遊行，每次遊行時間大約40分鐘左右。去到夜晚更加有各式既燈光，令到園區另一番景色。

宜蘭景點推薦 4. 綠舞日式主題園區

如果唔想住宜蘭傳藝園區內，小編強烈建議大家可以考慮距離5分鐘車程既宜蘭綠舞日式主題園區，全台第一家，亦係唯一一家日式庭院主題飯店，宜蘭綠舞國際觀光飯店。園區內可以預約和服體驗，茶道、抹茶、菓子體驗、文創體驗，而且亦有一個小朋友可以同動物互動既萌寵專區，羊駝、水豚、梅花鹿、狐獴、瓦萊黑鼻羊、柯爾鴨等既小動物，可以近距離接觸餵食互動。

宜蘭景點推薦 5. 斑比山丘

台灣近幾年興起小鹿斑比潮，斑比山丘呢度有超萌既梅花鹿，還仲有2只療癒系既「水豚君」，分別叫馬鈴薯爺爺同蕃薯爺爺，仲有驢子「小毛驢」，等大家可以同動物近距離接觸，另外，園區重新規劃之後，提供多左車位、庭園造景、販賣文創商品紀念品區，同大型行李寄放箱俾大家暫放行李嫁。

除左小朋友可以餵梅花鹿食紅蘿蔔、牧草、鹿仙豆等既零食之外，入面仲有一間羅東有名既「美美子」咖啡廳，佢地係手工烘焙出名，所以經常都會換款式，特別係「焦糖乳酪布丁」都非常受歡迎嫁。離開前不妨去埋入口處附近既市集睇下，可能會買到小鹿有關既手信。

宜蘭景點推薦 6.蠟筆觀光工廠

好多人都知蘇澳冷泉，終年保持22℃以下，屬於無色無味既碳酸泉，水質透明清晰，加上有無敵海景、超美秘境，而且更加有唔同類既親子觀光景點，適合一家大細去玩嫁，所以小編介紹一個非常啱小朋友去既蠟筆觀光工廠，入面有4種活動俾小朋友玩，玩色工坊、玩色工坊、蠟筆工坊同埋人體彩繪工坊。