【親密關係】焦慮型依戀係咩？

唔知大家有無聽講過焦慮型依戀呢？情侶間好常出現呢種情況，但咩係焦慮型依戀呢？焦慮型依戀有咩特徵？咁應該要點樣改善焦慮型依戀？

其實依戀（Attachment）或叫依附，即係人同人之間締結關係既能力。依戀障礙指現代人精神問題、親密關係失敗既根源。依戀形式分為「安全型」同「不安全型」兩種，而不安全既依戀形式，可以再細分為「焦慮型」、「逃避型」同「混亂型」三種，今日同大家分享一下「焦慮型」啦。

咩係焦慮型依戀？

焦慮型依戀，形成原因主要係由於細過童年既成長發展障礙、或原生家庭環境影響，即係在童年至到少年時期，係父母果度得唔到足夠既關愛，情緒方面亦無法得到舒展或者開導，所以令到患得患失的既情形加劇，再演變成成長後出現既焦慮、疏離、不安同控制欲強，呢D都係屬於「不安全型」既依戀形式。再而衍生中，特別係一段關係入面，希望對方既認同，得到對方既愛，先可能得到滿足同安全感。

【5間神廟助你成功脫單求姻緣】隨著年紀愈大又未結婚，仲係單身嘅都想係新年前搵到個心儀既對象，免得再係新年同親戚拜年既時候，俾D姨媽姑姐、三姑六婆關心自己既感情狀況，小編搵左5間香港同台灣出名既月老廟推薦俾大家參考，等大家安排一下求姻緣⋯⋯　繼續閱讀

焦慮型依戀主要特徵？

焦慮型依戀既特徵主要有3樣：

因為焦慮型依戀既人係十分渴求得到愛，得到認同，被接受，所以當對方態度稍微冷淡，或者無覆信息，就會出現胡思亂想，患得患失，擔心對方唔理自己，又會驚「被拒絕」、「被拋棄」等情緒。

第二就係極度缺乏安全感，害怕被拋棄，從而會為左維持關係，而放棄自身需要或底線，甚至會做好多事情去討好伴侶，只要對方唔高興，拒絕，或否定，焦慮型依戀人就會感到強烈焦慮，容易無安全感，然後會採取好多行為去證明對方愛唔愛自己，例如狂打電話俾對方，又或者會消失，希望對方會緊張，擔心自己，甚至經常嘈分手，用分手去威脅對方。