8個最意想不到嘅金氏世界紀錄【震驚全球】

8個最意想不到嘅金氏世界紀錄【震驚全球】

金氏世界紀錄（Guinness World Records）又名健力士世界紀錄，1955年起源於英國愛爾蘭，創辦人Hugh Beaver為了紀錄及蒐集全世界之最，出版咗《金氏世界紀錄大全》，Hugh Beaver當時係健力士啤酒嘅執行董事，響一次狩獵大會因為同人爭論歐洲鳥類邊種飛得最快，發覺原來冇相關文獻紀錄支持自己嘅論點，所以想出版一本書令酒客吹水嘅時候有所依據，藉此可能增加酒客嘅消費時間，所以以Guinness為名出版《金氏世界紀錄大全》，收集各樣世界之最嘅奇人奇事，當中有好多你意想不到嘅世界紀錄，是否有被收納嘅價值自行定奪，本文精選8個最令人意想不到嘅金氏世界紀錄，一齊開開眼界。

有冇諗過你個口最盡可以塞幾多嘢入去？美國明尼蘇達州青年Issac Johnson以嘴巴張開總長10.175公分嘅紀錄成為金氏世界紀錄全球最大嘴，一口可以塞入4個吉士漢堡、罐裝飲品等，除此之外，呢個技能更加令佢成為網紅，一條片可輕鬆吸引近8000萬次嘅觀看次數，會唔會成為人類再進化嘅研究對象呢？

眼球凸出眼窩嘅金氏紀錄保持者來自巴西嘅梅斯基塔，憑着眼球可凸出1.82公分創下世界紀錄，雖然佢9歲已經知道自己天生異禀，但佢引以為傲，自細經常表演凸眼技能，不過醫學上有相關文獻記載，呢個情況屬於球體脫位，醫生檢查後認為冇咩問題，不過每次眼球推出後歸位，會有幾秒睇唔到嘢，係天賦定傷害，到今日都未有答案。

接吻58小時35分58秒會係咩體驗，可能全世界只有泰國紀錄保持者Ekkachai及Laksana Tiranarat先會知道，紀錄由2013年創立並刷新金氏世界記錄，接吻期間四片嘴唇唔可以分開，即係唔飲水、唔食飯、唔訓覺，去廁所都要一齊，呢個「世紀之吻」需要極端嘅體力同耐力之餘，仲有最重要係愛呀，哈利！

人可以連續幾耐唔訓覺呢？不眠金氏世界紀錄保持者當時年僅17歲於1963年創下，美國加利福利亞州一名叫做蘭迪加德納嘅中學生，響無藥物輔助下，創下264小時（約11日）不眠紀錄，當然期間出現好多症狀，包括情緒失控、幻覺幻聽、語無倫次等，因於呢項挑戰太危險，因此金氏已經唔會再更新此項紀錄，所以美國攝影師泰勒謝爾茲雖然搵咗一組監察人員作證，創下968小時（約40日）嘅不眠紀錄，不過金氏拒絕收納及更新，因為唔想鼓勵再有人作此高危挑戰，而泰勒謝爾茲挑戰後亦需要一段時間回復，包括感官功能疲乏、記憶力衰退等後遺症。

健力士世界紀錄真係無奇不有，一星期唔沖涼唔洗頭你忍唔忍到？來自伊朗嘅阿穆‧哈吉以67年唔沖涼嘅紀錄擠身金氏世界紀錄中最污糟嘅紀錄保持者，而佢唔沖涼嘅原因，係怕沖涼會洗走已故妻子殘留嘅氣味，原因很感人，但現實是身上嘅灰土多到猶如披上盔甲，但出奇嘅係唔沖涼並冇對佢嘅健康做成影響，以唔沖涼成為金氏世界紀錄保持者，是否值得驕傲呢？

一個人原地自轉可以堅持幾耐？根據金氏世界紀錄係約10小時，紀錄由中國河南嘅鄧歡響公證人員嘅見證下，以14小時打破世界紀錄，14小時原地不停旋轉聽到都覺得暈，鄧歡旋轉期間，仲因為無聊邊轉邊睇報紙，甚至繡花，可謂能人所不能。

唔止人類可以擠身金氏世界紀錄，美國鬥牛犬Tillman係滑雪、滑板、衝浪三項全能嘅汪星人，在一項美國加利福尼亞州嘅極限運動中，以19秒多用滑板滑完100米賽道，成為健力氏紀錄中世界上最快滑板狗，聲名大噪後成為網紅及廣告商寵兒，雖然於十歲嘅時候因病離世，但舊影片到今日依然火熱。

如果上述世界紀錄對你嚟講比較遙遠，不如試下挑戰以下呢個挑戰，南非一家餐廳舉辦食雞爪比賽，1分鐘內食得最多就能獲勝，規則係一次只能食一隻亦只能拎住一隻，比賽更係安排咗金氏見證官見證比賽，最後由員工西馬尼勒獲勝，成績係121公克、約3.5隻雞爪，若然你有信心食到4隻，不妨挑戰一下，不過小心梗親。