【求職搵工】CV、Resume 、Cover Letter 同Portfolio有咩分別？

一份工作做到咁上下，可能都會想轉換工作環境，又或者因為薪酬都無咩大改變，就本著「魚唔過塘唔會肥」既心態，而有動左想轉工既想法，大家一定會上網搵工，例如招聘平台，或去心儀既公司網頁申請應徵，當然職場新鮮人畢業生都唔例外，大家最常見到D招聘上都寫明需要求職者提供CV、Resume或Cover Letter，甚至亦有見過Portfolio，咁呢4個文件有咩分別？

Curriculum Viate原係拉丁文「生命歷程」既意思，CV係一份詳細既求職文件，通常會包含求職者既學歷、工作經驗、自我介紹、工作技能、語文能力、專業資格，或所獲獎記錄，同其他相關信息。而且CV既內容會較多、篇幅亦較長，因為要寫既資料會比較詳細，內容要圍繞係所應徵既職位或公司所重點在意既Highlight上，千奇唔好太冗長。

CV正規D黎講，比較常用係學術用途，包括尋求學術、科研或醫學上既職位，又或者係申請D計劃，例如研究資金、博士學位等。

CV要展示整成個職業生涯，需要根據時間去排列出所有工作經驗，會由最近期既開始。

雖然 CV 同 Resume 都係用黎介紹自己既文件，但都會有分別，Resume係要寫學歷工作經驗、證書、技能同其他成就既摘要，亦可以加入一段專業簡歷 (Professional Summary)。

Resume盡量簡短，通常1至2頁左右就可以。內容亦會以列點形式，可按時間順序排列，保持Resume內容簡潔。

Resume適用於一般既職業，展示求職者技能、工作經驗同成就。重點放係自己在工作上既成就，並非學術上既成就。

Cover Letter係「求職信」，又叫「應徵信」、「自我推薦信」，主要係一封開場白，意思係指HR會先透過Cover Letter 去了解求職者既初步篩選，因為如果Cover Letter寫得好，HR可以係內容入面見到一D關鍵字、特質或工作經歷係符合佢地要求，咁就更容易獲得面試既機會啦。相反，如果寫得唔好，亦會令到HR印象一般，分分鐘連睇求職者既CV或者Resume既機會都無埋，所以切忌要小心。

內容大約可以簡單自我介紹，係邊度得知招聘信息，對公司了唔了解，點解要應徵呢份工，你會對公司有咩貢獻咁？最後就感謝對方花時間去閱讀自己既信或申請。內容盡量簡潔易明，大約3至4段內容，200至400字就已經足夠。

Portfolio係「作品集」，記錄所做過既工作內容，例如得意之作、負責案例、設計製作成品等，類似係CV既延伸版，為CV提供相關既細節同埋證明，令HR或公司對求職者之前既工作更一目了然，亦增添左說明力。

Portfolio大部分適用於申請設計、多媒體創作類 (Creative Media) 工作，因為呢D工作屬於比較抽象、藝術類既工種，公司對求職者既個人創造力、執行或者檢視過往作品，難以只通過文字表達去了解求職者能力、想象力、設計風格、喜好、執行力、軟件技術等，所以呢D工作會最常要求D求職者提交埋Portfolio。

相信大家初步了解左CV、Resume 、Cover Letter同Portfolio既分別啦，但如果普通打工仔或者岩岩畢業嘅同學仔想整靚份CV去見工，小編介紹D網上可自行生成CV、Resume同Portfolio既網頁俾大家，希望幫到大家。