【帶埋寵物過開心聖誕】 5大打卡好去處2025（持續更新）

聖誕節就到啦！周圍嘅街道同商場已經掛滿聖誕裝飾，聖誕節節日氣氛非常濃厚。🌲作為毛孩家長，都好想帶主子出去共渡聖誕，外出散步放電之餘，仲可以喺靚靚嘅聖誕裝飾前面打卡，為主子留下倩影。💓依2年愈嚟愈多Pet Friendly商場同餐廳，非常歡迎毛孩家長帶埋寵物一同享受假期。🐕🐈

今次Kama Delivery小編幫大家整合 2025 香港貓狗好去處推介清單，精選推介寵物友善商場、毛孩公園同寵物聖誕市集，予主人和寵物一同打卡影相留念，共渡美好聖誕～

海洋公園開放狗狗免費入場聖誕＋新年皆可入場打卡🐟

各位毛孩家長可以帶狗狗去海洋公園玩啦！❄️香港海洋公園推出嘅會員狗狗日，俾海洋公園全年會員可以於指定日子無限次帶狗狗一齊遊玩海洋公園多個樂園園區！除咗可以搭海洋列車，仲可以探訪北極動物、太平洋海象、睇魚仔！🐋各位奴才仲可以喺園內小食亭買狗狗雪糕，同埋喺禮品廊買狗狗精品比一眾狗主子打卡！不過留意返暫時只供狗狗入園～未有貓貓份。想再Chill啲，可以Book埋海洋公園萬豪酒店，萬豪酒店非常歡迎攜帶寵物入住。每房最多可容納2隻狗狗，酒店內更有狗公園給各位狗狗住客放放電。

地圖及鄰近地鐵站

鄰近地鐵站：海洋公園站

12米高聖誕樹再次回歸西九文化區藝術中心＋西九聖誕市集🎄

大受香港人歡迎嘅超巨型聖誕樹又反嚟啦！企喺聖誕樹下面，大家都好似變哂細細粒小矮人咁，2025年聖誕節以「西九聖誕森林」為主題，佈置超過60棵聖誕樹、樹聖同旋轉木馬等裝飾。西九亦係超級Pet Friendly嘅公園，設超大型草地比狗狗放風，周圍都有好多寵物友善餐廳，打完卡可以同主子搵位坐低休息下～店內除咗有靚靚飲品同小食，更有提供狗狗小食同狗狗雪糕。又或者同主子坐草地聽住海浪嚟一場浪漫嘅聖誕野餐～

地圖及鄰近地鐵站

鄰近地鐵站：九龍站／柯士甸站

朗豪坊「薯誕百貨」毛孩打卡熱點📌

每年聖誕節，朗豪坊嘅中庭位置，都會佈置充滿住節日氣氛嘅場景，等大家經過個陣都可以打返個靚卡。今年佢地同Noodoll聯手打造「薯誕百貨」，勢要成為全香港最毛鬙鬙嘅聖誕佈置！雖然只擺放高4米嘅聖誕樹，同西九無得比，但朗豪坊勝在夠就腳，交通方便，呢樣就啱哂無揸車嘅主人們！

地圖及鄰近地鐵站

鄰近地鐵站：旺角站

K11 MUSEA 聖誕季溜冰場❄️＋木製小屋🪵

K11 MUSEA不嬲都係寵物友善商場，可以租借寵物BB車同主子Shopping，商場入面有多間寵物友善餐廳同毛孩公園，Chill住感受聖誕節日氣氛。今年佢地就係戶外廣場大搞溜冰場，仲可以免費租借溜冰鞋以內嘅裝備，雖然毛孩就無得玩，但溜冰場外嘅木製小屋同打卡位，仍然好適合同佢地打卡留念。而6樓雕塑公園同時都舉辦聖誕市集，啱哂走文青風嘅各位主人！

地圖及鄰近地鐵站

鄰近地鐵站：尖東站／尖沙咀站

【7大毛孩放電好去處】根據數據顯示香港嘅寵物數量達到40萬隻，主要係狗狗及貓咪，礙於香港住宅單位一般都比較袖珍，所以寵物公園對各位寵物主人非常重要，尤其係狗主，相對貓咪的話，狗狗需要更大空間放電，否則會抑鬱甚至拆家，所以除咗每日嘅散步⋯⋯⋯⋯　繼續閱讀

🐱貓奴必去嘅AIRSIDE x BADMEAW 聖誕喵樂園

AIRSIDE同K11 MUSEA一樣，都係香港出名嘅寵物友善商場，而且位處啟德，隔離嘅啟德跑道公園已經係熱門放寵物嘅地方。今年AIRSIDE就同泰國人氣IP – BADMEAW合作，係唔同角落度打造貓咪主題嘅打卡位，各位貓奴一定唔可以錯過呀！

地圖及鄰近地鐵站

鄰近地鐵站：啟德站

香港愈嚟愈多寵物友善嘅地方，Kama Delivery希望都可以為大家提供多啲可以比主子一齊去嘅地方，等大家同毛孩都可以開開心心一齊喺外面慶祝一年一度嘅聖誕節！Kama Delivery提供多款多人美食到會套餐，就算1個人2個人嘅到會美食都可以放比你！無論你喺香港九龍定新界，喺野餐場地、酒店、寵物Party Room、會所甚至係屋企開毛孩聖誕派對，我哋嘅外送服務都會準時將美食送到，歡迎WhatsApp或者致電我哋查詢，亦可以喺Kama Delivery網站訂購美食到會。

聯絡我們