小朋友擺脫拖延症方法 1. 任務拆細

其實好多時小朋友既拖延，唔係佢地唔想做，而係俾呢D「大任務」嚇怕左。例如叫小朋友做功課，但呢個籠統既指令會令佢地好迷茫，到底功課有幾多，要幾時先寫得完？呢種未知感會直接引發佢地抵觸情緒，導致遲遲唔肯做功課。

所以家長要識得將任務拆成一個個小朋友輕鬆就做到既細步驟，降低困難。以功課為例，唔好只同小朋友講「快啲將功課寫完」，建議將功課拆成：「先用10分鐘做完數學」之後再「休息5分鐘，飲下水、去個廁所」，後面「再用8分鐘默寫5個生字」，最後5分鐘檢查下有冇漏題。而每個細任務控制係15分鐘以內，符合低年齡小朋友既專注力規律，等小朋友覺得「呢件事唔難，我做得到」。

面對收拾玩具呢類任務，一樣可以用「步驟化指令」代替模糊要求。例如「將玩具全部收好」，而係拆成為先將玩具放入紅色盒入面，之後再把公仔擺到書架上，最後將地板上既車仔放返入玩具箱。 咁樣就可以令小朋友按一個個細步驟去完成，產生小小成就感，呢種感覺會推動佢地繼續做，慢慢擺脫拖延既問題。

小朋友擺脫拖延症方法 2. 遊戲化驅動

小朋友天生鍾意玩，與其用命令語氣去催佢地，不如將任務變成趣味遊戲，從而激發佢地既主動性。家長可以為任務加入角色設定、闖關元素，等小朋友係玩樂中完成目標。

例如執房間，同小朋友角色扮演，做功課時將每頁功課變成闖關關卡，另外，用得意既計時工具都可以提升小朋友參與度。例如恐龍、公主造型既卡通計時器，比口頭催「快啲」更有效。仲可以用沙漏，呢D可見既計時工具，能幫小朋友建立時間概念，令按時完成任務多咗份儀式感。

小朋友擺脫拖延症方法 3. 建立即時反饋

小朋友既行動力需要正向反饋支撐，及時既鼓勵同獎賞，可以令到佢地感受到按時做事既價值，從而願意堅持。家長可以為小朋友製作一張拖延改善打卡表，將每日既重點任務，例如做功課、收拾玩具、沖涼等一一列出黎，每按時完成一個，就等小朋友自己貼一張鍾意既貼紙。

當小朋友集齊5張貼紙，就兌換一個提前約好既小獎賞，舉例，小朋友可以係多睇10分鐘電視，食一份零食，或放假去玩，亦可以係俾佢決定家庭活動。獎賞唔使貴重，重點係讓小朋友明白「努力就有回報」，呢種正向激勵遠比鬧佢、鬧佢更有效。

當讚小朋友既時候千奇唔好講籠統既「你好叻」，要具體D，例如「你今日用10分鐘就做完數學，比尋日快咗2分鐘，仲要啱晒，真係好犀利！」，「你自動將玩具收得整整齊齊，唔使媽咪提醒，真係有責任心既小朋友！」具體既稱讚會俾小朋友清楚知道自己邊度做得好，從而鞏固呢種行為，慢慢養成高效做事既習慣。

小朋友擺脫拖延症方法 4. 家長以身作則

小朋友就好似家長既鏡，家長既行為習慣會唔知唔覺會影響小朋友。如果家長經常拖延，例如出門又遲遲唔收拾、成日熬夜趕工、做事慢吞吞，咁無論點教訓，小朋友都好難養成高效習慣。

想小朋友唔拖延，家長首先要做好榜樣，例如同小朋友約定好做功課時，家長唔做其他野，可以同小朋友一齊睇書或者做自己既工作。或者準備出門時提前規劃，用自己既行動話俾小朋友知，按時做事係平常事，唔係專門對佢地既要求。

同時，家長要唔好俾小朋友貼負面標籤，好多家長心急時會講「你成日拖拖拉拉」、「呢啲小事都做唔好」，呢啲說話會傷害小朋友既自尊心，令小朋友佢地覺得「我本來就係拖延既人」，反而更難改。建議換種包容既語氣：「知你唔係刻意拖延，只係仲未找到合適既方法，我地一齊試下呢個法子好唔好？」

小朋友擺脫拖延症方法 5. 減少干擾因素

小朋友專注力好容易被周圍事物影響，書桌上面既玩具、隔離廳既電視聲、不時弹出既手機消息，都可能令佢地分心，從而導致拖延。想小朋友高效做事，就要幫佢地營造一個干擾少既環境。

做功課時，書枱上只留課本、筆同練習冊，將玩具、零食全部收走，關閉電視、電腦，家長亦盡量唔好係小朋友附近玩電話、打機等。如果屋企空間細，可用隔斷或者書架將學習區域同玩樂區分開，俾小朋友一坐係書桌前，就知道要開始認真做事。

另外，要避免中途打擾小朋友，因為有好多家長時不時每隔幾分鐘就去問小朋友「做成點呀」、「飲唔飲水」，呢種頻繁打擾會打斷小朋友既思路，令佢地很難進入狀態。不妨同小朋友約定，除非有緊急事，否則完成一個小任務先溝通，讓佢地可以專心做事。

小朋友擺脫拖延症方法 6. 俾小朋友承擔拖延後果

好多家長因為怕小朋友遲到、做唔晒D功課，總係代勞或者步步緊逼，久而久之小朋友就會覺得「就算我拖，都會有人幫我搞定」，從而更唔緊張。所以要適當俾小朋友承擔拖延帶來既自然後果，反而會令佢地學識負責。

例如小朋友唔肯早D收拾書包，第二日返學忘記帶作業，就等佢自己同老師解釋，或者周末功課拖到最後一刻先做，導致冇時間去玩，就等佢體會呢種失落。呢種自然後果帶來既教訓，比十句教訓都深刻。

當然，咁樣做唔等於唔理小朋友，如果後果太嚴重，例如小朋友因為拖延唔吃飯導致肚餓，呢種情況，家長就要適當引導；小朋友承認錯誤時都亦要給予鼓勵，同佢一齊分析下次點樣避免拖延，而唔係落井下石鬧佢。