慈禧太后鍾意食櫻桃肉？

KAMA今年蛇年新年餐推出好幾款新菜式，其中一款令到小編特別感興趣，所以小編同大家分享一下，櫻桃肉到底係咩菜式呢？點解會同慈禧太后扯上關係？

櫻桃肉其實係蘇州蘇幫菜既著名傳統菜式，當時傳統既煮法係將五花肉既皮上面𠝹成小方塊，然後加上糖同酒一齊燉煮，感覺有D似係我地平時食既東坡肉或紅燒肉，櫻桃肉簡單D講，係改良版。

櫻桃肉曾經俾乾隆皇帝係下江南既時候食過，佢返回宮後就聘請左蘇州名廚張東官，仲山藥酒燉櫻桃肉納入菜單《御茶膳房檔》內，其實乾隆皇帝既呢個櫻桃肉係同櫻桃無關嫁，但點解會叫櫻桃肉，係因為煮法會令到五花肉外表似櫻桃，色澤紫紅，仲帶有酸甜酥香既味道。

後來慈禧太后改良左櫻桃肉既菜譜，加入櫻桃一齊炆煮3個幾鐘頭以上，甚至更有資料顯示炆煮8至9個鐘頭，目的係令到櫻桃既香甜味道融入D肉入面，再將櫻桃果肉渣同果核篩走，同時另外打碎D櫻桃果肉制成汁，然後淋上去D肉上面，從而令到櫻桃肉帶有果香，結果櫻桃肉更成為係慈禧太后晚年最鐘意既菜式之一啦。

其實，櫻桃肉仲有多種既做法嫁，櫻桃肉係北京既話，會用北方既做法嫁，即係會由低溫慢煮既「焐」，變成油炸，當炸既時候，肉會似櫻桃咁既形狀，然後再將肉塊放進已配好既調味料既容器中用微火慢煨，等到D汁包裹住肉，「櫻桃肉」咁就完成嫁啦，大家睇到呢個做法，係咪覺得有D似我地平時食開既甜酸肉或咕嚕肉呢？

咁大家知唔知我地KAMA到會推出既「慈禧一品櫻桃肉」係屬於邊款做法呢？如果有興趣，不妨叫我地到會時，考慮叫呢款連慈禧太后都鍾意食既櫻桃肉啦。到最後，小編再分享多少少慈禧太后鍾意食既菜式俾大家知啦，慈禧太后除左喜歡櫻桃肉，仲鍾意食清燉肥鴨、燒豬肉皮、清燉鴨舌同清燉鴨掌等，到時一班親朋好友新聚餐Party時，除左可以討論櫻桃肉既來源同做法外，仲可以分享下慈禧太后鍾意食咩嫁。