購物車內無任何商品
posts
眼皮跳係吉凶預兆定健康信號？
眼皮跳係吉凶預兆定健康信號？
有好多人都會試過眼皮跳，但有唔同既說法，有人會認為「左眼跳財，右眼跳災」，又有人話「右眼跳吉，左眼跳凶」，雖然呢啲係流傳好耐既民間講法，但都會令唔少人眼皮跳既時候又期待又心驚。有人因為左眼跳就開心，亦有人因為右眼跳就擔心。不過從科學角度黎講，眼皮跳唔係預示吉凶既「占卜符」，而係身體發出既生理或者病理信號。所以大家可以了解眼皮跳既真正原因，睇下如何應對持續跳動既情況。
眼皮跳係咩原理？
眼皮跳其實係醫學上叫做「眼瞼痙攣」（英語：Blepharospasm），本質上係眼瞼肌肉陣發性、不自覺既抽搐。眼瞼既開合靠上瞼提肌（英語：Levator Palpebrae Superioris）同眼輪匝肌（英語：Orbicularis Oculi）配合完成，分別受動眼神經同面神經控制，當呢啲肌肉或者支配佢哋既神經出現功能異常時，就會引發眼皮跳。而從醫學分類黎講，眼皮跳主要分為生理性同病理性兩大類，其中生理性跳動占比超過90%，係大多數人都會遇到既正常現象。
① 生理性眼皮跳
生理性眼皮跳既誘因好常見，多數同生活狀態有關。用眼過度係最主要原因，長時間盯住電子屏幕、捱夜、返工或者追劇，會令眼輪匝肌一直處於緊張收縮狀態，神經興奮性升高，從而引發痙攣。精神心理因素都唔可以忽視，長期緊張焦慮、壓力太大，或者突然既情緒波動，都會影響神經調節功能，而導致眼部肌肉唔受控制，係咁不停跳動。另外，飲食中既刺激物，例如過多咖啡、濃茶、辛辣食物，同埋煙酒過度，都有可能刺激到眼部神經。另外，強光、弱光等唔好既光照環境，或者眼部受到輕微壓迫，都會誘發短暫既眼皮跳，呢類跳動通常係單側發生、持續時間短，可能幾秒到幾分鐘，而且幅度細，亦冇其他既不適感，當休息放鬆完之後就可以自行緩解。
② 病理性眼皮跳
病理性眼皮跳雖然占比較少，但都需要格外留意，因為佢往往係身體發出既「預警信號」。眼部疾病係常見誘因，屈光不正，例如近視、遠視、散光，患者如果戴咗度數唔合適既眼鏡，會令眼肌長期緊張。而結膜炎（又稱：紅眼症，英語：Conjunctivitis）、角膜炎（英語：Keratitis）等炎症會刺激神經纖維，又或者有倒生眼睫毛或者眼內有異物反復摩擦，都會引發持續性跳動，呢類情況通常會伴隨眼紅、眼痛、視力模糊等症狀。但更需要重視既係神經及全身疾病因素，面肌痙攣（英語：Hemifacial Spasm, HFS）多數從單側眼輪匝肌抽搐開始，慢慢擴散到面部其他肌肉，情緒激動時會加重。Meige綜合症（中文：梅格斯綜合症，英語：Meigs syndrome, Meigs’ syndrome），則常表現為雙側眼瞼不自覺閉合，逐漸影響到頸部、軀幹。另外，顱內腫瘤、腦血管病變等可能壓迫面神經，某些抗精神病藥物、抗組胺藥都可能誘發眼皮跳，呢類跳動通常持續時間長、頻率高，仲可能慢慢加重。
眼皮跳係吉凶既預兆？
至於「左吉右凶」或者「左凶右吉」既講法，其實冇科學根據，只係民俗迷信。而呢類觀念既形成，本質上係古人對未知現象既主觀解讀，尤其係醫學唔發達既年代，百姓無法解釋眼皮跳既成因，就將佢同吉凶禍福聯繫起來，通過簡單既左右方位劃分賦予一D象徵式既意義。所以從現代醫學角度黎講，眼皮跳動既側別主要同神經支配區域、肌肉疲勞程度有關，同運勢一啲關係都冇嫁。例如面肌痙攣雖然鍾意發生喺左側，但佢只係疾病既病理特徵，並唔係所謂既「凶兆」。現實中，有人啱啱好係眼皮跳之後遇到好事或者壞事，就加強咗呢種迷信認知，其實好大機會只係巧合啫。我地一向以黎都鍾意講「意頭」，就連日常用語同飲食都要圖個吉利，例如將「豬肝」叫「豬潤」、「通書」叫「通勝」，但眼皮跳呢種生理現象，真係唔好夾硬同吉凶綁埋一齊。
【扁平足2大類型】相信唔少人應該有聽講過扁平足，或者身邊有認識既人患有扁平足，屬於係好常見又好普遍既腳部問題，世 界上大約有15-30%既人係有一定既扁平足情況，但係大部分人既扁平足情況對日常生活影響唔太大，只係有好少數人既扁平足情況嚴重到需要⋯⋯ 繼續閱讀
如何處理眼皮跳既方法？
大家當出現連續眼皮跳既時候，應該要根據具體情況採取唔同既處理方法。對於生理性跳動，首要原則係等雙眼同身體充分休息。可以遵循「20-20-20」護眼法則，每睇屏幕20分鐘就遠望20尺（大約6米）外既物體20秒，每日保證有7-8小時既充足睡眠，最好就唔好捱夜。物理緩解方法簡單有效，大家可以用40℃左右既熱毛巾敷眼周10-15分鐘，可以促進血液循環，然後用指腹輕柔按摩攢竹穴、絲竹空穴等眼周穴位，能夠放鬆眼部附近緊張既肌肉。同時，調整生活習慣都好重要，減少咖啡、濃茶同辛辣食物既攝入，可以通過冥想、聽音樂等方式緩解壓力，保持心情舒暢。平時仲要注意保持良好既閱讀姿勢，眼睛同書本距離最少30厘米，唔好喺車上或者強光下閱讀。
如何治療持續性眼皮跳？
如果眼皮跳持續超過一週仍然冇緩解，或者出現以下情況，就應該及時睇醫生：跳動頻率逐漸增加、幅度變大，甚至影響睇嘢，仲會伴隨面部肌肉抽搐、口角歪斜、上瞼下垂等症狀，或者出現眼紅、眼痛、畏光、視力下降等眼部不適，又或者出現有頭痛、頭暈、肢體無力等全身症狀。大家可以係就診時，可以根據症狀選擇科室，如果以眼部不適為主，優先考慮眼科。但如果伴隨面部抽搐、神經症狀，就建議去神經內科，通過外眼檢查、驗光、神經電生理評估或者腦部CT、MRI等檢查明確病因。
病理性眼皮跳既治療需要對症處理：
- 屈光不正患者（英語：Refractive Error，Ametropia）需要重新驗光配鏡
- 眼部炎症需要使用合適既抗感染藥物
- 倒生眼睫毛既情況可以通過拔除或者電解毛囊處理
- 對於面肌痙攣、眼瞼痙攣等神經功能異常，A型肉毒毒素注射係臨床推薦既微創治療方法，3至7日就可以見效，療效可以持續3至6個月
- 重症患者如果藥物治療無效，可以由醫生評估之後考慮手術治療
- 眼部不適時千祈唔好亂買眼藥水，應該先諮詢醫生既意見
到會套餐（2-100人）
新推出
$1088
新推出
$1688
新推出
$2388
$688
$268
$70
$138
$198
$168
$128
$828
$1088
眼皮跳本質上係肌肉同神經協同作用既異常表現，同吉凶禍福無關。而絕大多數情況只要通過調整作息、放鬆身心就可以緩解，所以大家唔使過度焦慮。但當跳動持續唔緩解或者伴隨其他症狀時，一定要留意病理性因素，最好及時尋求專業醫療幫助。
有健康既身體，先會有好運既來臨，而好既身體，係需要有良好既飲食習慣、足夠既休息時間、適當既運動量。平日放假時想放鬆下，可以約埋好友一齊叫我地Kama Delivery到會服務，一邊食住到會，一邊聚會Relax，我地提供2-100人既唔同人數套餐，亦有小食套餐，一定有一款適合大家既。
聯絡我們
追蹤我們延伸閱讀
部份圖片出處｜Freepik
＊未經許可，以上文章不得轉載或引用＊
最新優惠
多人到會套餐
一人自選餐盒
單點到會美食
中秋節到會
小朋友到會
BBQ燒烤到會
素食到會
獲取專屬報價
KAMA BLOG
語言
