私人秘書 vs 公司秘書【入行前景點揀？】

公司秘書響私人有限公司嘅角色非常重要，係政府機構、監管機構與公司企業的橋樑，而公司秘書並非隸屬老闆，而係隸屬公司，一般公司秘書都需要有工商管理、法律或財務相關的學士或文憑學位，亦有專業公司秘書課程，如香港特許秘書公會嘅「Chartered Governance Qualifying Programme」，而經驗豐富的公司秘書年薪可達百萬，職能一般包括處理及保存公司之法定記錄、安排董事及股東會議、撰寫會議記錄、呈報公司周年申報表、辦理股份轉讓及辦理撤銷公司註冊事宜、協調公司帳目及報告的製作和發佈、組織及協助舉行董事會及股東大會、監察公司管治的進展等；所以必需有一定嘅專業知識，公司秘書職務對外，私人秘書嘅職責係對內，公司秘書嘅疏忽有機會對公司嘅形象、名聲有損，而對私人秘書嘅要求亦相對較低。

私人秘書比較偏似個人助理，直屬公司老闆或者高層，一般一對一，協助老闆日常工作或行程安排，而部門秘書亦屬私人秘書，協助部門日常營運，例如幫老闆準備開會文件、安排行程、接待貴賓等，私人秘書職能比較模糊，唔需要有公司秘書嘅學歷及專業知識，但大小事務都要經私人秘書傳達到老闆，因為經常處理老闆嘅公事及私事，有經驗嘅私人秘書除咗安排老闆工作行程外，有時更要處理私事，大至老闆出差，要幫手訂機票、酒店、專車等，小至老闆家庭聚會訂餐廳、安排行程等，對老闆喜好要有充分了解，由於好多老闆都依賴自己秘書，溝通機會會比其他同事多，地位上亦有一人之下、萬人之上之勢，有時老闆唔響公司，秘書就有如移動嘅閉路電視，坐鎮公司確保營運正常。老闆有時出席宴會都會帶埋秘書隨行打點，所以比其他同事更容易接觸到達官貴人，但所謂伴君如伴虎，私人秘書需要有更高嘅情商面對老闆不同嘅情緒，唔係學歷高就做到。

比較兩者仕途，公司秘書有著更重要嘅職能，由於有專業地位，跳糟挖角常有發生，不愁沒出路，薪酬亦相對豐盛，仕途亦較理想，私人秘書反而出路少，除非進修專業技能，否則仕途一眼睇哂，因為直屬老闆，升職機會細，不過能接觸更多唔同階層嘅人，可擴闊自己眼界及生活圈子，尤其做到老闆對你產生依賴嘅秘書，雖然升職困難，但加薪不難，這就是兩者嘅分別。