【農曆七月習俗小知識】中元節 vs 盂蘭節有咩分別？

農曆七月，我地都稱為鬼月（或叫鬼節），由農曆七月初一開始，陰曹地府既鬼門就會由閻羅王慢慢打開，俾啲無主孤魂上陽間享受供奉，或者係「抓交替」，即係我地俗稱既搵替身或替死鬼，去到農曆七月十四，大門就會開到最大，然後農曆七月十五之後就開始慢慢關返門，直到農曆七月三十完全關上鬼門。

2026年鬼門幾時開關？

鬼門幾時開？

按照習俗，鬼門於前一日「子時」開啟，即8月12日晚上11點正式打開。

中元節日期

中元節即係農曆七月十五日，換算成西曆，就係8月27日。

鬼門幾時關？

農曆七月為小月，只有29日，故關門時間係9月10日晚上11點。

獨立包裝三文治

2026年鬼月有咩特別？

今年2026年係「火馬年」（丙午年）。係五行中，「丙」對應火，而「午」對應十二生肖中既馬，火勢較旺。相較於過去既年份，火馬年既氣候同能量場往往被認為較為活躍同急躁，係民俗說法，呢類年份建議平心靜氣，多加注意火源管理同埋情緒調節。

另外，農曆七月十五亦係中國傳統重要既節日之一，道教既中元節，而佛教為盂蘭節，即係兩個宗教既節日同一日舉行。

中元節係咩？

中元節，又叫七月半，最初既七月半係民間既祭祖節，並非鬼節，係後來先慢慢演變成鬼節，道教諸神之中有三官，分別係天官、地官、水官，合稱為「三官大帝」，作為天帝派駐人間既代表，係「三元日」既時候，幫天帝檢校人間功罪以定賞罰：「天官為正月十五上元賜福，地官為七月十五中元赦罪，水官則為十月十五下元解厄。」而地官管既係地府，中元之日，地府打開左地獄之門，所有鬼都要離開地府，徘徊於人陽間，所以又稱為鬼節，普遍進行祭祀鬼魂活動，點荷燈為亡魂照回家之路。

而道教徒會係呢一日素饌普度，超度孤魂，祈請為亡靈赦罪，原先只係自己祖先，後來先變成所有亡魂。

【眼皮跳係吉凶預兆定健康信號？】有好多人都會試過眼皮跳，但有唔同既說法，有人會認為「左眼跳財，右眼跳災」，又有人話「右眼跳吉，左眼跳凶」，雖然呢啲係流傳好耐既民間講法，但都會令唔少人眼皮跳既時候又期待又心驚。有人因為左眼跳就開心，亦有人⋯⋯　繼續閱讀

盂蘭節係咩？

盂蘭節，或叫盂蘭盆節，係佛教重要節日，又稱「僧自恣日」或「佛歡喜日」。僧侶於這天集會，無分彼此，一同誦戒，糾正彼此既行為，同時分享修行心得。而佛教徒會係呢一日以盂蘭盆裝滿百味五果，供奉佛、法、僧，濟度六道苦難眾生，將功德回向累世父母，報答父母養育之恩，傳揚孝親美德。

「盂蘭」的梵文是「Ullambana」，「盆」既意思係「救器」，意思為「救倒懸」，指解救正在受苦既餓鬼。

盂蘭節中最為人廣傳既係「目連救母」，根據《盂蘭盆經》記載，釋迦牟尼佛其中一個重要弟子，叫目犍連（簡稱目連），相傳目連既母親做左好多壞事，死後變成餓鬼，目連見到母親飽受折磨之後，就想將飯菜送去俾母親，但D飯一到母親口邊就變成焰灰，所以目連就向釋迦牟尼佛請救，而佛陀就話，必須於七月十五既時候，以百味五果放於盆內，供養十方僧人，從而集合眾人力量，以此般功德，其母方能濟度。結果目連遵照左佛陀指示，令到母親最終脫離餓鬼之苦，往生天界。

農曆七月傳統習俗

係香港，大家都會係農曆七月傳統習俗落街燒衣紙祭拜祖先或普渡亡魂，老人家叫大家少啲去夜街，當中更會準備定香燭衣紙冥鈔、白飯、水果等祭品，以超渡孤魂，祈求一家出入平安。同時，亦會有舉辦盂蘭勝會（英文：The Hungry Ghost Festival 或 Yu Lan Festiva）、請神儀式、神功戲、派「平安米」等活動，而且係2011年，盂蘭勝會更被列入第三批《國家級非物質文化遺產名錄》中。

如果大家有興趣了解更多盂蘭節，大家不妨抽時間係9月4日至6日，到維多利亞公園參與盂蘭文化節2026，活動內容經已陸續公佈，大家敬請期待！

詳情可參考「香港盂蘭文化節」Facebook

新推出

【農曆七月習俗小知識】中元節 vs 盂蘭節有咩分別？

2026年鬼門幾時開關？

鬼門幾時開？

中元節日期

鬼門幾時關？

2026年鬼月有咩特別？

中元節係咩？

盂蘭節係咩？

農曆七月傳統習俗

訂購到會服務熱門問題【不斷更新】

新手訂購到會必睇【網站手機落單圖文教學】

細說中秋節起源故事【3個故事了解嫦娥與月餅由來】

【曼德拉效應】 集體記憶＝史實相等？

【世界跨年慶祝活動傳統習俗】要喊住跨年你聽過未？

除夕年三十下次要西曆2030年先再出現？

登入

註冊

【曼德拉效應】集體記憶＝史實相等？