購物車內無任何商品
posts
【香港6大遊艇會介紹】其實入面有咩玩？
【香港6大遊艇會介紹】其實入面有咩玩？
加入遊艇會只係多咗一個泊船嘅地方？一個會藉費用由港幣幾十萬至幾百萬不等，邊有咁簡單！作為高端休閒社交嘅重要據點，遊艇會嘅功能多到嚇你一跳，由最基本嘅當然係遊艇停泊同維護服務，會所內設專業碼頭同維修設施，為艇主提供一站式養護方案。就算你唔係艇主，都可以透過會所預訂租艇服務，同三五知己出海遊船河、歎日光浴、釣魚、浮潛，享受海天一色嘅愜意時光。
香港遊艇會除咗水上活動，仲有…
遊艇會係社交嘅絕佳場所。每逢週末或者節假日，遊艇會會所都會舉辦各種主題派對、晚宴同商務聚會，吸引各界精英參加，有機會結識各行各業嘅成功人士，擴闊人際網絡，而且好多遊艇會都設有高級餐廳、健身中心、游泳池等配套設施，就算唔出海，都可以喺會所度過悠閒又高質嘅一日。
香港遊艇會大盤點 總有一間啱你心水
香港作為國際大都會，擁有多個享負盛名嘅遊艇會，每間都有其獨特魅力，而且歷史悠久。
香港遊艇會（Royal Hong Kong Yacht Club）
香港遊艇會作為香港歷史最悠久嘅遊艇會之一，其前身為「維多利亞賽舟會」，1849 年就首次舉辦賽事，1893 年正式易名為「皇家香港遊艇會」，1997 年香港回歸中國後，中文名字刪除「皇家」一詞，但英文名稱嘅「Royal」依然保留。香港遊艇會現時會員超過 1 萬名，皆為航海或劃艇愛好者。會所除咗位於奇力島嘅總部，仲於南區熨波洲及西貢 Shelter Cove 設有分會，提供一流嘅遊艇停泊同維護服務之外，更經常舉辦國際級帆船賽事，例如香港水域內最具代表性嘅環島賽，吸引世界各地嘅航海好手參加。會所內嘅 Compass Room 高級餐廳，提供高質素嘅美食，讓會員可以一邊享受美食，一邊欣賞迷人嘅海景。
白沙灣遊艇會（Hebe Haven Yacht Club）
白沙灣遊艇會 於1963 年成立，位於西貢白沙灣，環境優美，有如世外桃源咁，會方一直致力於推動航海活動，為會員提供理想又安全嘅停泊場所，仲提供船務服務同吊船設施，⽤細吊機吊船上排-8 噸以下/ ⼤吊機吊船上排8⾄27 噸（上⽔及落⽔ ），會所嘅露天餐吧可以俾會員出海回歸後，一邊欣賞無敵海景，一邊品嚐精心準備嘅美食。而且，白沙灣遊艇會仲非常重視青少年帆船運動嘅發展，通過帆船訓練中心嘅「青年帆船發展基金」項目，積極向兒童推廣帆船運動，俱樂部擁有 40 多艘小船隊，為成人同兒童提供帆船課程 。
香港仔遊艇會（Aberdeen Boat Club）
香港仔遊艇會於1967年成立，亦比較靠近市區，非常適合長期停泊同航海活動。會所提供全面嘅海上設施，包括碼頭泊位、船塢服務、燃料站同廢物處理設施等，而且有唔同類型嘅會籍，以滿足唔同需求，例如青年會籍就為年輕一代提供咗參與航海活動嘅機會，鼓勵更多年輕人投入到航海運動中。此外，會所仲提供多樣化嘅餐飲選擇同社交活動，更設有戶外游泳池、保齡球館、溜冰場等設施，無論係家庭聚會定係朋友聚會都非常適合。
黃金海岸鄉村俱樂部・遊艇會
黃金海岸鄉村俱樂部‧遊艇會位於新界屯門區黃金海岸度假區嘅中心地帶，自成一國彷彿是一個小社區，建築風格典雅瑰麗，充滿西班牙同美國加州傳統風格，碼頭設有超過 220 個泊位，由小型水上電單車到長達 200 呎嘅大型遊艇都可以停泊，港池內配套齊全，有遊艇加油站、水電供應系統、廢物處理泵等，仲提供 24 小時服務。會所內有健身中心、35 米長嘅游泳池、網球場、多功能活動室、麻雀房同室內外兒童遊樂園等休閒設施，為會員提供咗豐富多彩嘅娛樂選擇。而且，鄉村俱樂部經常為會員舉辦各種社交活動，提供非凡嘅餐飲設施同美食，讓會員可以享受悠閒又高質嘅生活。
大嶼山遊艇會（Lantau Yacht Club）
大嶼山遊艇會以最高標準建造，可承受台風等極端天氣，提供148 個泊位的先進防颱風碼頭，亦係香港首個，暫時係唯一可停泊長達100 米超級遊艇嘅遊艇會，大大緩解咗香港大泊位嚴重不足嘅問題，港池最大深度為 6.5 米，最闊混凝土浮趸達 5 米，夠讓高爾夫球車雙程行駛，作為私人會員會所，公司及個人會籍只供獲邀者申請，全新嘅會所設計時尚現代，採用先進嘅視聽娛樂解決方案。而且呢度地理位置優越，環境宜人，遠離喧囂，係大小船艇理想嘅停泊地。
【船P有咩玩？】夏日炎炎，碧海藍天，最好就係約埋班Friend去船P，其實船P有咩玩呢？除咗以前好興嘅夜釣墨魚、香蕉船等都頗為OUT嘅野之外，踏入炎炎夏日，出海玩當然多左好多選擇啦，雖然香港海上活動比起台灣同泰國都要少得多，不過都絕對夠你玩轉⋯⋯ 繼續閱讀
匡湖遊艇會
匡湖遊艇會位於有「香港後花園」美譽嘅西貢，前臨白沙灣，水質清澈，設計風格洋溢新歐陸風格，被兩條堤壩圍成嘅內湖所環抱，景致集山水之秀，除咗提供遊艇泊位及相關專屬設施同服務，仲有中西餐廳、酒吧、宴會廳、游泳池、健身室及各式運動場地。自 1982 年以來，匡湖遊艇會一直係香港國際遊艇展嘅主辦地，每年 11 月至 12 月舉辦嘅香港國際遊艇展，吸引咗多間國際知名參展商，展示各款嶄新船款，同時仲有各式水上活動用品及遊艇相關服務配套，為航海愛好者同業界人士提供咗交流同展示嘅平台 。
加入遊艇會難唔難？有咩條件？
好多人都好奇，究竟要符合咩條件先可以加入遊艇會？唔同遊艇會嘅入會資格都有差異，一般嚟講，不外乎現有會員推薦、遊艇會邀請，而且要通過嚴格嘅背景審查同面試，除咗個人背景，財務狀況都係重要考量因素，因為加入遊艇會除咗要支付一筆過嘅入會費（由數十萬至過百萬不等），每年仲要繳交會費同停泊費等開支，除咗個人會員，部分遊艇會亦設有公司會員、家庭會員等唔同類別，以滿足唔同人士嘅需求。有啲會所仲會推出優惠政策，吸引年輕一代加入，例如降低年輕會員嘅入會費，或者提供免費嘅航海培訓課程，所以並非一定係「富豪玩意」。
出海飲食安排
新推出
$1088
新推出
$1688
新推出
$2388
$688
$268
$70
$138
$198
$168
$128
$828
$1088
無論你響遊艇會參加商務聚會，定係同親朋好友舉辦私人派對，美食絕對係重中之重，想輕鬆打造難忘嘅海上盛宴？Kama Delivery提供超過 100 款中西美食選擇，由精緻前菜、小食、主菜、海鮮到多人套餐都一應俱全，更加可以根據你嘅派對參與人數調整套餐份量，配送服務覆蓋全香港九龍及新界，根據你嘅收貨時間及地點，準時將美食送到遊艇會碼頭，所有食物都以保溫包裝運送，確保送達時依然新鮮美味，唔洗再為派對美食而煩惱，可以專心享受與親朋好友相聚嘅時光，歡迎隨時聯絡我哋嘅客服人員或者透過網站訂購我哋嘅美食到會服務。
聯絡我們
追蹤我們延伸閱讀
部份圖片出處｜黃金海岸
＊未經許可，以上文章不得轉載或引用＊
最新優惠
多人到會套餐
一人自選餐盒
單點到會美食
中秋節到會
小朋友到會
BBQ燒烤到會
素食到會
獲取專屬報價
KAMA BLOG
語言
